Në qytetin e Elbasanit, situata rrugore është nën kontroll për shkak të reshjeve të dëborës. Të gjitha rrugët në njësitë administrative dhe fshatrat janë aktualisht të hapura, edhe pse të mbuluara nga dëbora.
Ekipet e Autoritetit Rrugor dhe Emergjencave Civile kanë punuar gjatë gjithë ditës për të garantuar qarkullimin e mjeteve. Megjithatë, akset Elbasan-Labinot Mal dhe Elbasan-Zavalinë kanë probleme dhe qarkullimi aty mund të bëhet vetëm me zinxhirë.
Gjatë natës, temperatura pritet të bjerë deri në -6°C, duke krijuar rrezik të lartë për ngrica. Autoritetet bëjnë apel për drejtuesit e mjeteve që të tregojnë kujdes maksimal dhe të respektojnë udhëzimet dhe strukturat për shkak të ngricave.