Forca e Posaçme “Shqiponja” zhvilloi operacionin e koduar “Terreni” në Lezhë, duke goditur dy raste të posedimit dhe shitjes së lëndës narkotike Cannabis Sativa në sasi dhe doza. Operacioni u krye në bashkëpunim me specialistët e Seksionit për Hetimin e Narkotikëve, si rezultat i kontrolleve dhe punës informative për evidentimin e veprimtarive kriminale në fushën e narkotikëve.
Në fshatin Manati, u arrestua në flagrancë Pjetër Dukaj, 22 vjeç, banues në Lezhë, i cili lëvizte me automjet për të shitur doza kanabisi. Në zonën e kalasë së Lezhës, u kap Kristjan Marku, 27 vjeç, banues në Kurbin, me një sasi kanabisi, dyshohet me qëllim shitjen.
Gjatë operacionit, u sekuestruan lënda narkotike, dy automjete dhe pesë celularë. Materialet procedurale iu referuan Prokurorisë së Lezhës për veprime të mëtejshme.