Qendra Kombëtare për Menaxhimin e Kufirit ka përditësuar të dhënat mbi situatën në pikat kufitare të Kosovës. Sipas informacioneve të fundit, fluksi i mërgimtarëve që po kthehen në vendet ku jetojnë dhe veprojnë ka rënë ndjeshëm.
Aktualisht, pritjet për dalje nga Kosova zgjasin deri në 5 minuta, ndërsa për hyrje në vend janë nga 1 deri në 5 minuta. Këto vlera tregojnë një përmirësim të qarkullimit kufitar, pa radhë të gjata si në periudha të mëparshme.