Blendi Klosi, Sekretari i Përgjithshëm i Partisë Socialiste, ka mbledhur mëngjesin e sotëm të 8 janarit 2026 në selinë qendrore të partisë drejtuesit politikë të qarqeve. Ky takim shënon mbledhjen e parë për vitin 2026 dhe zhvillohet një ditë para takimit të thirrur nga kryeministri Edi Rama me ministrat e kabinetit të tij.
Në mbledhje marrin pjesë figura kryesore të partisë dhe qeverisë, mes të cilëve Sekretari Organizativ Damian Gjiknuri, kryebashkiaku Benet Beci, si dhe anëtarë të kabinetit Mirela Kumbaro, Taulant Balla, Adea Pirdeni, Ervin Demo, Niko Peleshi, Ogerta Manastirliu dhe Bledi Çuçi. Kryeministri Edi Rama nuk është i pranishëm në këtë takim.
Qëllimi i mbledhjes ende nuk është bërë i njohur. Një javë pas këtij takimi, Edi Rama do të mbledhë Grupin Parlamentar të PS-së në Pallatin e Brigadave për të koordinuar punën në sesionin e ri parlamentar.