Brindisi, Itali – Dy avionë me destinacion Tiranën, të nisur nga Bologna dhe Bergamo, devijuan në aeroportin e Brindizit rreth orës 03:00 të mëngjesit të 7 janarit 2026, për shkak të motit të keq në aeroportin e Tiranës. Rreth 400 pasagjerë, kryesisht shqiptarë, u detyruan të ulen atje, duke krijuar tensione në aeroport.
Pasagjerët kaluan portat e kontrollit, sfiduan kordonet e sigurisë dhe u zhvendosën drejt pistës, duke kërkuar vazhdojen e udhëtimit. Situata rrezikoi sigurinë dhe detyroi ndërhyrjen e policisë aeroportuale, e cila riktheu qetësinë. Sipas mediave italiane, dhjetëra pasagjerë vazhdojnë të protestojnë pranë avionëve të bllokuar, pa informacion të qartë për nisjen ose kthimin mbrapsht.
Një pjesë e pasagjerëve pranoi ofertën e kompanisë ajrore për të udhëtuar me autobus deri në Fiumicino dhe më pas me avion drejt Tiranës. Po shqyrtohet gjithashtu mundësia që 150 pasagjerë të udhëtojnë me anije nga Brindizi drejt Vlorës pasdite. Aeroporti mbetet nën mbikëqyrje të policisë, karabinierëve dhe Guardia di Finanza për të parandaluar probleme të mëtejshme, pa ndikuar në fluturimet e tjera.
Nga kjo situatë, një grup prej 15 shtetas shqiptarë, shumica nga Durrësi, u largua me forcë nga aeroporti dhe u udhëzua drejt portit të Brindizit për të pritur tragetin. Autoritetet italiane u komunikuan se aeroporti do të mbyllej për 24 orë dhe nuk kishte fluturime drejt Tiranës. Pasagjerët raportojnë kushte të vështira në port, ku mes tyre ka persona me probleme shëndetësore që kërkojnë asistencë.
Grupi kërkon ndërhyrjen e institucioneve shqiptare dhe italiane për zgjidhjen e menjëhershme dhe kthimin në Shqipëri, kryesisht në Durrës ose Vlorë. Deri tani, nuk ka reagim zyrtar nga autoritetet e të dyja vendeve.