Portugalia po përjeton një krizë të rëndë shëndetësore për shkak të pikut të epidemisë së gripit. Kjo situatë ka nisur në dy javët e fundit, me mbi 500 vdekje në ditë dhe raste të reja që po stërmbushin spitalet. Anëtarët e personelit shëndetësor shprehin shqetësim të madh për zhvillimin e situatës, e cila po del jashtë kontrollit.
Bilanci i viktimave po rritet në mënyrë të pazakontë për shkak të të ftohtit të dimrit dhe epidemisë së gripit. Autoritetet portugeze theksojnë se nuk ka arsye për alarm të përgjithshëm, pasi shifrat mbeten larg atyre të periudhës së pandemisë së koronavirusit. Megjithatë, mjekët dhe infermierët po përgatiten për skenarë më të këqij.
Sipas një investigimi të medias Expresso, i cili citon të dhëna zyrtare, në 30 ditët e fundit numri i të vdekurve në Portugali ka qenë deri në 52% më i lartë krahasuar me të njëjtën periudhë të vitit të kaluar. Ekspertët vlerësojnë se vala e gripit ka filluar më herët se zakonisht dhe transmetimi i virusit po ndodh më shpejt në moshat e treta.