Byroja Federale e Hetimeve (FBI) ka nxjerrë dokumente që tregojnë se Zyra e Prokurorit Special Jack Smith miratoi në vitin 2023 pagesën prej 20.000 dollarësh për një burim konfidencial. Kjo pagesë u bë për informacione në kuadër të hetimit të quajtur Arctic Frost, i cili shqyrton përpjekjet e Donald Trump dhe mbështetësve të tij për të kundërshtuar rezultatet e zgjedhjeve presidenciale të vitit 2020 në Shtetet e Bashkuara.
Sipas burimeve, dokumentet u dorëzuan në Kongres nga drejtori i FBI-së, Kash Patel, këtë javë. Ato ofrojnë detaje mbi taktikat e përdorura nga agjentët dhe prokurorët për të ndërtuar një çështje penale kundër Trump, avokatëve dhe aleatëve të tij, të cilët akuzoheshin se nxitën mbështetës për të mësyer në Senat dhe Kongres më 6 janar 2021. Kash Patel deklaroi se ky zbulim tregon abuzim me pushtetin në hetim.
Dokumentet përmendin një email dakordësie nga këshilltari i Prokurorit Special, Raymond Hulser, datë 2 qershor 2023, për pagesën e 20.000 dollarëve ndaj një burimi të redaktuar. Pagesa u diskutua me Raymond Hulser, Ndihmës-Prokuroren Speciale Julia Gegenheimer dhe Jack Smith. Gjithashtu, ato tregojnë përpjekje të mbikëqyrësve të FBI-së për ta bërë Trump subjekt direkt të hetimit, ide që u refuzuan më pas.
Ky rast krahasohet me rolin e mëparshëm të Jack Smith në Hagë, ku ai drejtoi hetimet kundër krerëve të Ushtrisë Çlirimtare të Kosovës (UÇK). Atje, ka akuza se ai angazhoi informatorë, si Faik Imeri, për të sjellë dëshmitarë kundër të akuzuarve. Metodat e raportuara në Shtetet e Bashkuara ngjasojnë me ato të aplikuar në proceset e Gjykatës Penale Ndërkombëtare për ish-Jugosllavinë.