Zlatan Ibrahimoviç, legjenda suedeze e futbollit dhe ish-sulmues i Milanit, aktualisht drejtues në klub, u shpreh në emisionin kroat (Ne)uspjeh prvaka se Ronaldo Nazário, i quajtur 'Fenomeni', ka qenë dhe mbetet lojtari më i mirë i të gjitha kohërave për të. Kjo deklaratë u bë më 7 janar 2026, në një intervistë ku ai rrëfeu ndikimin e brazilianit në formimin e tij si futbollist.
Ibrahimoviç shpjegoi se admirimi për Ronaldon filloi gjatë fëmijërisë së tij. Ai tregoi se shikonte ndeshjet dhe, kur pa për herë të parë brazilianin, vendosi të imitonte lëvizjet e tij. "Për mua, Ronaldo ka qenë dhe mbetet lojtari më i mirë i të gjitha kohërave. Ka shumë lojtarë të shkëlqyer, por për mua ai është numri një", deklaroi suedezi.
Ndërkaq, Ibrahimoviç përmendi edhe ndikimin e boksierit Muhamed Ali. Ai kujtoi se shikonte Aliun në televizor të zi e bardhë, duke vëzhguar mënyrën se si fliste dhe sillej. "Nuk ishte arrogant. Si fëmijë, doja të jem si ai, por në futboll", tha ai. Kjo frymëzim e çoi drejt Ronaldos, duke formuar stilin e tij personal.
Në atë epokë, pa rrjete sociale si Instagram apo YouTube, Ibrahimoviç shkonte në bibliotekë për të kërkuar video. Ai fshihej për të parë driblimet dhe lëvizjet e Ronaldos, duke dashur të mësonte trukët e tij. Kështu, sipas tij, ndërtoi stilin e lojës përmes Aliut dhe Ronaldos.