Klejdi Daci, sulmuesi 26-vjeçar, është rikthyer tek skuadra e KF Teuta në Durrës. Rikthimi i tij u zyrtarizua sot, pas largimit nga klubi durrsak verën e vitit 2024, kur ai firmosi me OKMK Olmaliq në Uzbekistan.
Klubi durrsak njoftoi në rrjete sociale se Daci ka nisur menjëherë përgatitjet për ndeshjen e ardhshme ndaj Dinamos. Postimi i tyre lexohet: “Në mënyrë zyrtare, Klejdi Daci është pjesë e KF Teuta! Sulmuesi bashkohet me skuadrën pas eksperiencës me OKMK Olmaliq dhe ka nisur menjëherë përgatitjet në Durrës për ndeshjen ndaj Dinamos. Mirë se erdhe, Klejdi.”
Daci ka njohje të mirë me kampionatin shqiptar, pasi më parë ka luajtur me Kukësin, Kastriotin dhe të rinjtë e Partizanit. Rikthimi i tij forcon sulmin e Teutës në prag të ndeshjes së rëndësishme.