Lumi Erzen ka dalë nga shtrati në fshatin Jubë të qarkut të Durrësit, duke shkaktuar përmbytje në zona të gjera rurale. Ngjarja ka ndodhur sot, sipas raporteve të autoriteteve lokale.
Përmbytjet kanë mbuluar tokat bujqësore dhe rrugët kryesore të fshatit. Uji ka arritur deri te varrezat, ku ka vërshuar mes varreve, sipas pamjeve të siguruar nga zona.
Strukturat e emergjencave dhe autoritetet lokale po kryejnë monitorim të vazhdueshëm të nivelit të lumit Erzen. Situata mbetet e paqëndrueshme, pasi reshjet e pritshme dhe prurjet e shtuara të ujit mund të ndikojnë në zhvillimet e mëtejshme gjatë orëve në vijim.