Ky artikull është përditësuar. Shiko përditësimet
Mbrojtësi i majtë shqiptar Mario Mitaj nuk është përfshirë në skuadër për tre ndeshje radhazi te klubi saudit Al-Ittihad nga trajneri Sergio Conceição. Në ndeshjen e parë, ai mungoi për shkak të plotësimit të numrit të kartonëve të verdhë, ndërsa në dy takimet e tjera ishte i gatshëm për lojë, por nuk u grumbullua.
Situata i ngjan asaj të mëparshme nën drejtimin e trajnerit francez Laurent Blanc, kur Mitaj nuk konsiderohej pjesë e formacionit të rregullt. Mungesa e minutash ka shtyrë 22-vjeçarin të mendojë për largimin, pasi synimi i tij është aktivizimi i rregullt. Kërkesa për transferim u shpreh edhe gjatë verës së vitit 2025, por nuk u realizua.
Marrëdhëniet mes Mitajt dhe drejtuesve të Al-Ittihad-it janë ftohur që nga ajo periudhë, dhe burimet pranë klubit tregojnë se ai nuk është më pjesë e planeve aktuale. Palët pritet të ndahen gjatë afatit kalimtar të janarit 2026, duke hapur rrugën për një rikthim në futbollin europian.
Interesi për Mitajn nuk mungon, me disa klube evropiane që po ndjekin situatën. Sipas raporteve mediatike, klubi anglez Sunderland i Premier League ka kërkuar informacion për lojtarin dhe e sheh si përforcim të mundshëm për repartin defensiv. Kjo mund të çojë në bashkëpunim me bashkëkombasin Granit Xhaka te Sunderland.
Përditësim
Ramon Planes, drejtori sportiv i Al-Ittihad, deklaroi se klubi ka marrë oferta për Mario Mitaj në këtë merkato. Ofertat vijnë nga klube spanjolle dhe nga skuadra të Premier League-së, duke konfirmuar interes specifik nga ekipe spanjolle, përveç interesit të vazhdueshëm nga Sunderland.
Ramon Planes ishte iniciatori i transferit të Mario Mitaj në Al-Ittihad.