Në kuadër të përballjes me situatën e krijuar nga vërshimet e fundit, Komuna e Lipjanit ka intensifikuar bashkëpunimin me institucione dhe kompani të ndryshme për të tejkaluar vështirësitë dhe për të ofruar ndihmë qytetarëve të prekur.
Gjatë ditës së sotme, në bashkëpunim me shoqatën zvicerane Barakah Charity, është realizuar shpërndarja e pakove ushqimore dhe e ujit të pijshëm për disa familje të goditura nga vërshimet.
Komuna e Lipjanit ka shprehur mirënjohje të veçantë për kompanitë dhe individët lokalë që kanë kontribuar në lehtësimin e situatës për familjet e prekura.
Ndër kontribuesit kryesorë përmenden:
- Stacioni Policor në Lipjan;
- Njësia e Zjarrfikësve;
- Kompania e Ujësjellësit;
- KBI Lipjan;
- Dino Company;
- Rexha Com;
- Xhema Company;
- Beni Construction;
- 7 Vëllezërit;
- Jetimat e Ballkanit;
- Nuno Queirós nga UNDP;
- Familja Tasholli;
- Mediat, në veçanti ato lokale;
- Qytetarët vullnetarë.
Autoritetet lokale kanë theksuar se do të vazhdojnë të qëndrojnë pranë qytetarëve, duke koordinuar ndihmën institucionale dhe humanitare në përputhje me nevojat në terren.