Shërbimet e Komisariatit të Policisë Korçë kanë identifikuar, kapur dhe arrestuar në flagrancë shtetasin E. B., 38 vjeç, banues në Korçë. Ai dyshohet si autor i pesë vjedhjeve të banesash në qytetin e Korçës, ngjarje të ndodhura në periudhën nga shtatori 2024 deri në janar 2026.
Nga veprimet hetimore, E. B. rezulton i dënuar më parë për vjedhje. Ai dyshohet konkretisht për vjedhjen e banesës së shtetasit Gj. M., rezident në Greqi, e ndodhur më 10 janar 2026 në lagjen nr. 3 të Korçës, ku janë vjedhur sende të ndryshme. Hetimet e mëtejshme kanë lidhur atë me katër vjedhje të tjera banesash në të njëjtin qytet, të datuara më 28 shtator 2024, 20 mars 2025, 1 janar 2026 dhe 6 janar 2026.
Gjatë këtyre ngjarjeve, dyshohet se ai ka vjedhur bizhuteri, shuma parash, orendi shtëpiake dhe sende të tjera me vlerë. Policia vazhdon punën për dokumentimin e plotë të këtyre rasteve, si dhe për verifikimin e implikimit të tij në ngjarje të tjera dhe të mundshëm bashkëpunëtorëve.
Materialet procedurale janë referuar te Prokuroria e Korçës për veprime të mëtejshme ligjore.