Një shtetase e huaj është raportuar e zhdukur në Mitrovicë. Sipas njoftimit të Policisë së Kosovës, ajo u largua nga shtëpia më 11 janar 2026 rreth orës 16:00, dhe që nga atëherë nuk dihet vendndodhja e saj.
Më 12 janar 2026, një mashkull kosovar paraqiti ankesë në polici, duke deklaruar se nuk kanë njohuri për vendndodhjen e saj. Autoritetet kanë nisur hetimet për rastin, siç thuhet në raportin 24-orësh të Policisë.
Rasti po trajtohet nga ekipet relevante policore në Mitrovicë. Nuk ka detaje të tjera të publikuara deri tani për identitetin e saj apo rrethanat e zhdukjes.