Klubi i KF Teutës në Durrës ka finalizuar transferimin e mbrojtësit brazilian Gabriel Gomes te FC Imabari në Japoni. Ngjarja u zyrtarizua së fundmi në merkaton e janarit, ku Teuta pranoi një ofertë të konsiderueshme financiare, ndonëse shifra e saktë nuk është bërë publike.
Gabriel Gomes, 26-vjeçar, arriti te Teuta si një risi në Superligën shqiptare gjatë gjysmës së parë të sezonit. Ai luajti pesë ndeshje dhe shënoi një gol, duke u bërë pikë referimi në repartin mbrojtës. Bashkë me Zogos, formoi një mur të fortë në mbrojtje dhe u dallua me dalje në sulm, duke shënuar golin vendimtar në fitoren 3-2 kundër Flamurtarit. Pas rreth gjashtë muajsh në Shqipëri, Gomes do të firmosë një kontratë dyvjeçare me FC Imabari, që garon në J2 League, ligën e dytë japoneze.
Në komunikatën zyrtare, drejtuesit e Teutës falenderojnë futbollistin për kontributin e tij dhe i urojnë suksese në aventurën e re në Azi. Transferimi konsiderohet një fitim financiar për klubin durrsak, i cili heq dorë nga shërbimet e brazilianit për të përfituar nga oferta e ardhur nga Japonia.