Sulmuesi i Kombëtares shqiptare Anis Mehmeti po zhvillon një sezon të mirë me Bristol City në Championship, ligën e dytë angleze. Në 26 paraqitje, 25-vjeçari ka shënuar 8 gola dhe ka dhënë 6 asiste. Kontrata e tij skadon në verë të këtij viti.
Trajneri i ekipit, Gerhard Struber, foli për të ardhmen e Mehmetit në një intervistë të fundit. Ai theksoi kontributin e rëndësishëm të sulmuesit në muajt e fundit. "Anisi ka bërë një diferencë të madhe në paraqitje dhe ka qenë jashtëzakonisht i rëndësishëm për ne", u shpreh Struber.
Sipas trajnerit, klubi ka bërë një ofertë zyrtare për rinovim kontrate. "Mehmeti ka aktualisht një ofertë vërtet të mirë në tavolinë", tha ai, duke shtuar se dëshiron që lojtari të vazhdojë me ekipin. Struber përmendi se Mehmeti dhe bashkëlojëtari Zak Vyner përshtaten mirë me identitetin e futbollit të Bristol City dhe se vazhdimi i projektit do të ishte i favorshëm për të gjithë.
Megjithatë, Struber pranoi se situata nuk varet vetëm nga klubi. "Futbolli është edhe pak biznes, dhe kur ke paraqitje si ato të Mehmetit, klube të tjera mund të interesohen", deklaroi ai. Trajneri shprehu shpresën për një marrëveshje deri në fund të verës, por theksoi se ofertat e tjera mund ta ndikojnë vendimin e lojtarit.
Performanca e Mehmetit ka tërhequr vëmendjen e ekipeve më të mëdha në Angli. Nëse rinovimi nuk arrihet, largimi i tij mund të ndodhë gjatë këtij muaji ose në verë.