Si pasojë e vërshimeve të fundit në Prishtinë, Drejtoria për Siguri dhe Emergjenca ka evakuuar tri familje nga lagja Kodra e Trimave, përkatësisht në rrugën Aziz Zhilivoda.
Familjet e evakuuara janë sistemuar përkohësisht, ndërsa Drejtoria për Siguri dhe Emergjenca do të mbulojë pagesën e qirasë deri në renovimin e plotë të shtëpive të tyre të dëmtuara nga ujërat.
Në bashkëpunim me Drejtorinë për Siguri dhe Emergjenca, Kryqi i Kuq i Kosovës ka shpërndarë paketa ushqimore dhe higjienike për familjet e prekur. Kjo ndihmë urgjente synon të lehtësojë situatën e krijuar nga vërshimet.
Autoritetet e Komunës së Prishtinës kanë falënderuar Kryqin e Kuq i Kosovës për solidaritetin dhe ndihmën e menjëhershme në këtë situatë emergjente.