Pasditen e së dielës, më 11 janar 2026, në qytetin e Sarandës, policia ka finalizuar një operacion për zbulimin e një apartamenti të përshtatur për kultivimin e bimëve narkotike. Operacioni u zhvillua nga Drejtoria e Policisë Vlorë, nën drejtimin e Prokurorisë së Vlorës, pas hetimesh që kishin nisur rreth një muaj më parë.
Ambienti ndodhej në rrugën Butrinti, në zonën e njohur si Turizmi, brenda një pallati. Atje ishin instaluar llamba ndriçimi dhe aparatura të tjera për kultivimin e bimëve narkotike. Gjatë operacionit, policia ka kapur në flagrancë një shtetas nga Tirana, i cili kujdesej për aktivitetet e paligjshme.
Janë sekuestruar 250 rrënjë kanabis në proces mbjelljeje dhe tharjeje. Personi i arrestuar është shoqëruar në Drejtoria Vendore e Policisë Vlorë. Hetimet vijojnë për zbardhjen e plotë të rastit, me dyshime se në aktivitetet e paligjshme mund të jenë të përfshirë edhe persona të tjerë.
Përditësime
Policia e Shtetit ka zbuluar se apartamenti i përdorur për kultivimin e kanabisit ndodhet në katin e gjashtë të një pallati në Sarandë. Pronari i tij është një shtetas nga Tepelena.